ក្រសួងទេសចរណ៍កម្ពុជាបានប្រកាសបើកកម្មវិធីបណ្តុះបណ្តាលបន្ត(Continuous Training)កម្រិតសញ្ញាបត្រវិជ្ជាជីវៈអាស៊ាន ផ្នែកគ្រប់គ្រងបដិសណ្ឋារកិច្ច (ASEAN Diploma of Hospitality Management) ដំបូងគេក្នុងតំបន់អាស៊ាន

នារសៀលថ្ងៃទី៤ ខែមេសា ឆ្នាំ២០១៧ នៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល(Paul Dubrul Hotel and Tourism School) ខេត្តសៀមរាប ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់របស់ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ បានអញ្ជើញជាអធិបតីក្នុងពិធីផ្សព្វផ្សាយជាផ្លូវការអំពីការបណ្តុះបណ្តាលកម្រិតសញ្ញាបត្រវិជ្ជាជីវៈទេសចរណ៍អាស៊ានជំនាញគ្រប់គ្រងបដិសណ្ឋារកិច្ច (ASEAN Diploma of Hospitality Management) ស្របតាមយន្តការនៃកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន (ASEAN Mutual Recognition Arrangement on Tourism Professionals)…

Read More

No Picture

ក្រសួងចុះពិនិត្យហេដ្ឋារចនាសម្ព័ន្ធទន់ និងរឹងរបស់មជ្ឈមណ្ឌលអប់រំបច្ចេកទេសមិត្តភាពកម្ពុជា-ជប៉ុន ខេត្តសៀមរាប ដើម្បីពិភាក្សា និងពិនិត្យលទ្ធភាពដាក់បញ្ជូលកម្មវិធីសិក្សាអាស៊ាននៅឆ្នាំសិក្សា ២០១៧-២០១៨

ក្មុងគម្រោងពង្រីកការអនុវត្តស្តង់ដាសមត្ថភាពអ្នកជំនាញទេសចរណ៍អាស៊ានដល់សិស្សវិទ្យាល័យចំណេះទូទៅ និងបច្ចេកទេស លោកទ្រី ឈីវ អគ្គនាយករងទេសចរណ៍ និងជាប្រធានលេខាធិការដ្ឋានគ.ជ.អ.ទ បានដឹកនាំក្រុមការងារអន្តរក្រសួងចុះពិនិត្យហេដ្ឋារចនាសម្ព័ន្ធទន់ និងរឹងរបស់មជ្ឈមណ្ឌលអប់រំបច្ចេកទេសមិត្តភាពកម្ពុជា-ជប៉ុន ខេត្តសៀមរាប ដើម្បីពិភាក្សា និងពិនិត្យលទ្ធភាពដាក់បញ្ជូលកម្មវិធីសិក្សាអាស៊ាននៅឆ្នាំសិក្សា ២០១៧-២០១៨ ខាងមុខនេះ។ សូមបញ្ជាក់ថា កម្មវិធីនេះនឹងសិក្សារយ:ពេល៣ឆ្នាំ ដែលមានតម្លៃសមមូលនឹងសញ្ញាបត្រមធ្យមសិក្សាទុតិយភូមិ។កិច្ចពិភាក្សាបានយកចិត្តទុកដាក់លើការបណ្តុះបណ្តាលជំនាញសេវាកម្មម្ហូបអាហារ និងភេសជ្ជ: ផ្នែកទទួលភ្ញៀវ ចុងភៅ និងជំនាញរៀបចំបន្ទប់។


កិច្ចប្រជុំគណៈកម្មការត្រួតពិនិត្យអ្នកជំនាញទេសចរណ៍លើកទី១៧ (17th ATPMC) នៅថ្ងៃទី ០៣ ខែមេសា ឆ្នាំ២០១៧ នៅសណ្ឋាគារសុខាល័យអង្គរ

លោកទ្រីឈីវ អគ្គនាយករងទេសចរណ៍ និងប្រធានលេខាធិការដ្ឋាននៃគណៈកម្មាធិការជាតិអ្នកជំនាញទេសចរណ៍ បានដឹកនាំក្រុមការងារចូលរួមកិច្ចប្រជុំគណៈកម្មការត្រួតពិនិត្យអ្នកជំនាញទេសចរណ៍លើកទី១៧ (17th ATPMC) ដែលប្រព្រឹត្តទៅនៅថ្ងៃទី ០៣ ខែមេសា ឆ្នាំ២០១៧ នៅសណ្ឋាគារសុខាល័យអង្គរ។ កិច្ចប្រជុំបានពិភាក្សាលើបញ្ហាប្រឈម និងសមិទ្ធផលកន្លងមករបស់ប្រទេសជាសមាជិកក្នុងការអនុវត្តកិច្ចព្រមព្រៀងទទួលស្គាល់ទៅវិញទៅមកលើអ្នកជំនាញទេសចរណ៍អាស៊ាន (MRA-TP) និងបានពិភាក្សាលើផែនការសកម្មភាពការងារបន្ត ក៏ដូចជាផែនការការងាររបស់លេខាធិការដ្ឋានតំបន់ ព្រមទាំងពិនិត្យលើដំណើរការពង្រីកកិច្ចព្រមព្រៀង MRA ទៅផ្នែក MICE, Spa and Wellness. ក្នុងនោះកម្ពុជា ត្រូវបានប្រទេសជាសមាជិកផ្តល់សេចក្តីទុកដាក់ក្នុងការរៀបចំអភិវឌ្ឍស្តង់ដាអ្នកជំនាញទេសចរណ៍ផ្នែកម៉ាស្ស៉ា​ និងសុខភាព។


ឯកឧត្ដមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ជំរុញឲ្យសហគ្រិនវ័យក្មេង ក្នុងវិស័យទេសចរណ៍កម្ពុជា ត្រូវបង្កើន​សមត្ថភាព ដើម្បីត្រៀមចូលប្រកួតប្រជែង នៅថ្នាក់ពិភពលោក

(ភ្នំពេញ)៖ កាលពីថ្ងៃទី២៣ ខែកុម្ភៈ ឆ្នាំ២០១៧ ឯកឧត្ដមបណ្ឌិត ថោង ខុន រដ្ឋមន្រ្តីក្រសួងទេសចរណ៍ បានដាក់អនុសាសន៍ជំរុញ និងលើកទឹកចិត្តដល់សហគ្រិនវ័យក្មេងក្នុងវិស័យទេសចរណ៍ ដែលជាធនធាន​ថ្មីៗរបស់កម្ពុជា ត្រូវបង្កើន​សមត្ថភាព និងបទពិសោធន៍របស់ខ្លួនឲ្យបានច្បាស់លាស់ទាំងចំណេះដឹង និងចំណេះធ្វើ ដើម្បីត្រៀមលក្ខណៈចូលរួមប្រកួតប្រជែង ជាមួយសហគ្រិនវ័យក្មេងពិភពលោក នៅឆ្នាំ២០១៧ ព្រមទាំងចូលរួម​ផ្សព្វផ្សាយទេសចរណ៍ ក៏ដូចជាកិត្យានុភាព​កម្ពុជា លើឆាកអន្តរជាតិ​ឲ្យកាន់​តែ​ខ្លាំងក្លា​ថែមទៀត​។ ថ្លែងក្នុងសិក្ខាសាលាផ្សព្វផ្សាយស្ដីពី «ការត្រៀមខ្លួនរបស់សហគ្រិនវ័យក្មេង ក្នុងវិស័យទេសចរណ៍កម្ពុជា ដើម្បីចូលរួមប្រកួតប្រជែងសហគ្រិនវ័យក្មេងពិភពលោក ឆ្នាំ២០១៧» នៅទីស្នាក់ការគណៈកម្មាធិការ​ជាតិអូឡាំពិកកម្ពុជា កាលពីថ្ងៃទី២៣ ខែកុម្ភៈ ឆ្នាំ២០១៧នេះ ឯកឧត្ដមរដ្ឋមន្រ្តី បានណែនាំឲ្យសហគ្រិនវ័យក្មេង ដែលទើបដំណើរការអាជីវកម្មរបស់ខ្លួន ចូលរួមប្រកួតប្រជែងសហគ្រិនវ័យក្មេងពិភពលោក ដោយ​ក្រសួង​ទេសចរណ៍ នឹងជួយសម្រួលរៀបចំឯកសារចូលរួមប្រកួត…


សិក្ខាសាលាផ្សព្វផ្សាយស្តីពី “ការវាយតម្លៃទទួលស្គាល់ការសិក្សាពីមុន របស់អ្នកជំនាញទេសចរណ៍​នៃសេវាកម្មសណ្ឋាគារ” នាព្រឹកថ្ងៃទី១១ ខែតុលា ឆ្នាំ២០១៦ នៅស្នាក់ការគណៈកម្មាធិការជាតិអូឡាំពិកកម្ពុជា​ ក្រោមអធិបតីភាព ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិអ្នកជំនាញទេសចរណ៍

ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិអ្នកជំនាញទេសចរណ៍ បានអញ្ជើញជាអធិបតីក្នុងកម្មវិធីបិទសិក្ខាសាលាផ្សព្វផ្សាយស្តីពី “ការវាយតម្លៃទទួលស្គាល់ការសិក្សាពីមុន របស់អ្នកជំនាញទេសចរណ៍នៃសេវាកម្មសណ្ឋាគារ” នាព្រឹកថ្ងៃទី១១ ខែតុលា ឆ្នាំ២០១៦ នៅស្នាក់ការគណៈកម្មាធិការជាតិអូឡាំពិកកម្ពុជា រាជធានីភ្នំពេញ។ សិក្ខាសាលានេះក៏មានការចូលរួមពី តំណាងមន្ទីរទេសចរណ៍ លោក លោកស្រី ជាគ្រូបង្គោល និងអ្នកវាយតម្លៃបង្គោលជាតិ តំណាងសណ្ឋាគារ សាលាបណ្តុះបណ្តាលវិជ្ជាជីវៈទេសចរណ៍ សិស្ស-និសិ្សត ប្រមាណ៣០០នាក់។ សិក្ខាសាលាខាងលើមានគោលបំណងផ្សព្វផ្សាយអំពី នីតិវិធី និងបែបបទនៃការវាយតម្លៃទទួលស្គាល់សមត្ថភាពអ្នកកំពុងបម្រើការងារក្នុងវិស័យទេសចរណ៍ជាពិសេសផ្នែកសណ្ឋាគារ ដើម្បីឲ្យអ្នកជំនាញទាំងនេះត្រៀមខ្លួនចួលរួមវាយតម្លៃទទួលស្គាល់សមត្ថភាព ។ ការវាយតម្លៃនេះជាឱកាសសម្រាប់អ្នកជំនាញ ជាពិសេសអ្នកដែលពុំមានវិញ្ញាបនបត្រ ឬសញ្ញបត្រវិជ្ជាជីវៈ ចួលរួមការវាយតម្លៃបទពិសោធន៍ ចំណេះដឹង និងជំនាញ ដើម្បីទទួលបានវិញ្ញាបនបត្រ…


សិក្ខាសាលាផ្សព្វផ្សាយស្តីពី “ការវាយតម្លៃសាកល្បងការសិក្សាពីមុន ដល់អ្នកជំនាញទេសចរណ៍នៃសេវាកម្មសណ្ឋាគារ” ក្រោមអធិបតីភាព ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់របស់ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និង ឯកឧត្តម ពៅ ពិសិដ្ឋ អភិបាលរងនៃគណៈអភិបាលខេត្តសៀមរាប នៅសណ្ឋាគារអង្គរសេនជូរី ខេត្តសៀមរាប

នាព្រឹកថ្ងៃទី០៥ ខែតុលា ឆ្នាំ២០១៦ ក្រសួងទេសចរណ៍ និងគណៈកម្មាធិការជាតិអ្នកជំនាញទេសចរណ៍ បានរៀបចំសិក្ខាសាលាផ្សព្វផ្សាយស្តីពី “ការវាយតម្លៃសាកល្បងការសិក្សាពីមុន ដល់អ្នកជំនាញទេសចរណ៍នៃសេវាកម្មសណ្ឋាគារ” ក្រោមអធិបតីភាព ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់របស់ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និង ឯកឧត្តម ពៅ ពិសិដ្ឋ អភិបាលរងនៃគណៈអភិបាលខេត្តសៀមរាប នៅសណ្ឋាគារអង្គរសេនជូរី ខេត្តសៀមរាប។ សិក្ខាសាលានេះមានការចូលរួមពី លោកប្រធានមន្ទីរទេសចរណ៍ តំណាងមន្ទីរអប់រំយុវជន និងកីឡា តំណាងមន្ទីរការងារ និងបណ្តុះបណ្តាលវិជ្ជាជីវៈខេត្តសៀមរាប លោក លោកស្រី ជាគ្រូបង្គោលនិងអ្នកវាយតម្លៃបង្គោលជាតិ តំណាងសណ្ឋាគារ…




No Picture

សេចក្តីជូនដំណឹង ស្តីការជ្រើសរើសបេក្ខជនចូលរៀនវគ្គបណ្តុះបណ្តាល មគ្គុទេ្ទសក៏ទេសចរណ៍ថ្នាក់តំបន់ ជំនាន់ទី១ សម្រាប់តំបន់ឆ្នេរ និងតំបន់ជំុវិញ នៅមជ្ឍមណ្ឌលមូលធនបញ្ញា ខេត្តព្រះសីហនុ


សេចក្តីជូនដំណឹង៖ ស្តីពីការជ្រើសរើសបេក្ខជន បេក្ខនារីអាហារូបករណ៍ចូលរួមវគ្គបណ្តុះបណ្តាលគ្រូបង្គោល និងអ្នកវាយតម្លៃបង្គោលអាស៊ាន ផ្នែកទីភ្នាក់ងារទេសចរណ៍ (Travel Agencies) និងផ្នែកការីទេសចរណ៍ (Tour Operations)

ក្រសួងទេសចរណ៍ និងគណៈកម្មាធិការជាតិអ្នកជំនាញទេសចរណ៍ មានកិត្តិយសសូមជូនដំណឹងដល់ប្រតិបត្តិករទេសចរណ៍ក្នុងសេវាកម្មធ្វើដំណើរ (ទីភ្នាក់ងារទេសចរណ៍ និងការីទេសចរណ៍) ទាំងអស់ឱ្យបានជ្រាបថា ក្នុងស្មារតីនៃការអនុវត្តកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន (ASEAN MRA-TP) ក្រសួងទេសចរណ៍ សហការជាមួយលេខាធិការដ្ឋានអាស៊ាន នឹងផ្តល់ជូនអាហារូបករណ៍ដល់បេក្ខជន បេក្ខនារីទាំងពីរភេទ ឱ្យចូលរួមវគ្គបណ្តុះបណ្តាលគ្រូបង្គោល និងអ្នកវាយតម្លៃបង្គោលអាស៊ាន ផ្នែកទីភ្នាក់ងារទេសចរណ៍ និងការីទេសចរណ៍តាមកាលបរិច្ឆេទដូចខាងក្រោម៖ ១- ផ្នែកទីភ្នាក់ងារទេសចរណ៍ (Travel Agencies) នៅប្រទេសម៉ាឡេស៊ី – វគ្គទី១៖ គ្រូបង្គោល ចំនួន ០៣រូប (០២រូប អាហាររូបករណ៍ពេញ និង ០១រូប អាហារូបករណ៍ ឥតបង់ថ្លៃសិក្សា) នៅពាក់កណ្តាលខែតុលា ឆ្នាំ២០១៦…